U kallëzua nga PD, SPAK nis hetimin për tenderin e ushqimeve të Ministrisë së Mbrojtjes: U regjistrua çështja penale

Pas kallëzimit të Partisë Demokratike, SPAK ka nisur hetimet për tenderin e ushqimeve në Ministrinë e Mbrojtjes, për rezervat e shtetit, në kuadër të situatës së krijuar për shkak të COVID-19.

Ky institucion ka bërë me dije se tre ditë më parë opozita depozitoi kallëzimin, i cili është regjistruar si çështje penale.

Kujtojmë se Partia Demokratike akuzoi Ministrinë e Mbrojtjes për tenderin e ushqimeve, që sipas saj iu dha një kompanie kompjuterësh maqedonase dhe pa eksperiencë, me një shumë prej 1.5 milionë euro.

PD shkoi edhe më tej me akuzat, teksa tha se për tenderin nuk pati asnjë garë, ndonëse shumë kompani shqiptare ishin të interesuara.

PD kallëzoi më 5 prill ministren Olta Xhaçkën për 6 vepra penale, konkretisht: “Korrupsioni aktiv i personave që ushtrojnë funksione publike”, “Korrupsioni aktiv i funksionarëve të lartë shtetërorë”, “Shpërdorimit të detyrës”, “Shkelja e barazisë së pjesëmarrësve në tendera apo ankande publike”, “Korrupsioni pasiv i personave që ushtrojnë funksione publike”, “Korrupsioni pasiv i funksionarëve të lartë shtetëror”.

Po ashtu në këtë kallëzim përfshihen edhe anëtarët e Komisionit të Vlerësimit të Ofertave në Ministrinë e Mbrojtjes, shoqëria “EUROVIA” shpknj, me administrator Emir Shefiti dhe shoqëria XPERT SYSTEMS sh.p.k., me administrator Renald Gova.

1 thought on “U kallëzua nga PD, SPAK nis hetimin për tenderin e ushqimeve të Ministrisë së Mbrojtjes: U regjistrua çështja penale

  1. Taxi moto line
    128 Rue la Boétie
    75008 Paris
    +33 6 51 612 712  

    Taxi moto paris

    Please let me know if you’re looking for a article writer for your site.
    You have some really great posts and I feel I would be a good
    asset. If you ever want to take some of the load
    off, I’d absolutely love to write some articles for your
    blog in exchange for a link back to mine. Please shoot me
    an email if interested. Thank you!

Leave a Reply

Your email address will not be published. Required fields are marked *